Добры дзень, дарагія сябры!
Ізноў у гасцях праект “Сядзіба: гісторыя, падзеі, людзі”
Значна паўплываў на Напалеона Орду Фрэдэрык Шапен (1810-1849), з якім ён пазнаёміўся ў Парыжы. Шапэн убачыў выдатныя музычныя здольнасці і кампазітарскі дар Напалеона і згадзіўся быць яго настаўнікам музыкі. Славуты музыкант любіў іграць з ім на фартапіяна ў чатыры рукі. Шапэн высока ацэньваў яго здольнасці і яны пасябравалі. У знак пашаны Орда прысвяціў Шапэну адзін з лепшых сваіх твораў – паланэз №12.
Шапэн з сяброўскай пяшчотай звяртаўся да яго ў лістах:
“Маё жыццё! З таго часу, як мы не бачыліся, я зусім захварэў, сёння жадаў быць у вас, але яшчэ не ў стане...Заўтра пайду на італьянцаў. Адшукай для мяне, негледзячы на ўсе цяжкасці, два месцы – зрабі добрую справу.
Твой адданы сябра Ш.”
Такая ж пяшчота да сябра бачна і ў іншых лістах Шапэна: у адным з лістоў просіць дапамагчы прадаць гадзіннік:
“Мой мілы,з нагоды нашага даўняга сяброўства паспяшы. Бог за гэта выпясціць табе выдатнага хлопца – сына Вітальда, а пане Ордзе дасць сто гадоў здароўя. Пакуль засведчы ёй, калі ласка, маю павагу. Абдымаю цябе слабей, чым раней, але з той жа сярдэчнасцю.
Твой Ш.”
Іх сяброства перарвала смерць Шапэна 17 кастрычніка 1849 года. Памёр геніальны кампазітар у прысутнасці сваёй сястры Людвікі і чаты Ордаў. Орда замаляваў Фрэдэрыка Шапэна на смяротнай ложы.
Усё жыццё Напалеон беражліва захоўваў лісты Фрэдэрыка.